موضوع: كل يوم أقول فـي باكـر أمـل الخميس 11 أغسطس - 15:08
كل يوم أقول فـي باكـر أمـل
كل يوم أقول فـي باكـر أمـل وان حضر باكر رجيت اللي وراه ارفع الهقوات لـو حظـي نـزل وأقنص القاع الذي ما احدٍ وطاه المراجـل مـا بطلبتهـا خجـل يخجل اللي يقدر الطيب وعصـاه السنين اشعـار والشاعـر مثـل يفهمه من شاف بالعقـل وقـراه اكتب الأيام في شعـري غـزل كل بيت عاش في عمري حيـاه مرت الستين والشايـب طفـل توي أدرس في كتاتيـب الحيـاه مرت الستيـن مـازال الجهـل كل ما جيت أستره يكشف غطاه مرت الستين فكري مـا اشتعـل كلما اشعل جذوته وقتـي طفـاه مرت الستين دربـي مـا كمـل واقفٍ في راسـه أتأمـل مـداه التفت والوقت يدفعنـي عجـل ما انتهيت من أمس وباكر ذا سناه
.gif)
