موضوع: الروج فتنه والأنوثه صاخبه الإثنين 5 سبتمبر - 7:33
مدخل
ۈيڷيـﮱ مـِڼ ږمڜـہۈمڼ ڼظږةعيۈڼـہ
ڷيت يآخڎڼيـﮱ ۈيتمهڷ ع هـِۈڼـہ
مآ أعيڜ آڷعمږ ڷۈ ڷحظـہ بدۈڼـہ
مڼ يطفيـﮱ ڷهفتيـﮱ ۈحږ آڜتيآقيـﮱ
صبــٍـٍـآإآحَ/مَسسسآإآءِ الـَـوردِ
أولاً /
راح اتكلّم عن الروج الروج ..ذلك الشي البطل .. اللي كان زمان هو راس مال الميك اب .. ابد عندك روج ؟ إذن عندك ميك اب إن بغيتيه شادو صار لك شادو .. إن بغيتيه بلشر برضو صار .. بتاع كلّو وما زال مُحافظ على دوره الفعّال .. أنتي جربّي تمكيجي وحطي كلش باستثناء الروج ..
شـوفـي وش بيصير شكلك
8 8 8
نبدأ في المُحددّات هالشي واجد يتجاهلونه وما يهتمون فيه .. اللي هو المُحددّ .. وطبعاً أنا ما أتكلّم عن مُحددّات قبل ذيك اللي تجيك أورانج ولا خربزي والروج بني مثلاً ! .. لا تجيبين لك مُحددّ أغمق من لون الروج اللي بتستخدمينه بدرجة وحده بسّ المُحدد يرتبّ شكل الشفايف ويساوي الروج ويضبّط الموضوع يعني ..لكن بدونه الدعوه سايحه ع بعض .. نجي للروج
عندنا 3 ألوان أساسيّه /
الأحمَر
فِتنه وأنوثه صاخِبه ()
اللون الأكثر رواجاً والأكثر مُبهر .. صارخ ..
طبعاً الأحمر ما ينحطّ بأي مكان أو زمان .. لا له وقته الا ما تلاحظون هنا ان البنات ما عندهم وسط ..
امّا أدمنت الروج الأحمر وحطته وين ماراحت حتى لو الصباح بالجامعه / الكليّه تلاقينها كاشخه به بكل ثقه وين ياخاله ؟ .. ولا تجيك مهيب تطيقه ابد وعندها فوبيا وإن حطّته ابد كلها دقيقتين وهي تركض للمغاسل تمسحه
احذري الأحمر في الحالات التاليه / - إذا لبستي شي مشجّر لان فيه ألوان واجد وحوسه , لا تفكرين بالروج الأحمر ابد
- الصباح طبعاً لان شكلك بيصير مآله دآعـي - إذا كنتِ صغييرهـ أو مراهقه
- إذا كانت شفايفك كبار مره بزود يعني .. حاولي ماتستخدمين الأحمر لانه لون مُلفت وبيزود حجمهم أكثر ..
عزّ الأحْمَر / - في الزواجات - مع فَساتين ساده ( أسود - أبيض ) خصوصاً إذا جاك الفستان أسود + أوف وايت وكملتيها بالروج الأحمر - مع ملابس بألوان باهته وساده .. يبيّن الأحمر ويصير شكلك وااااو - مع لوك الستّينات ..
وُجوه بـ الأحْمَر
طبعاً تراعين في اختيارك للون الأحمر تناسقه مع لبسك
+
المناكير ( مُهمّ التناسق بين المناكير والروج )
- كمان مُهم التناسق بين ميك اب العيون والشفايف .. لازم يكون متوازن
الفوَشي
الفوشي اللون العملي والمُناسب مع كلّش
طبعاً الفوشي يشمل البينك بتدرجاته ومنها الورديَ .. حلو صَباح .. مَساء .. طلعات خفافيه .. جاكم احد بالبيت ..
.gif)
